Jen la nova albumo de la fama regekantisto Jonny M. Post lia paŭzo por veki kreemon kaj kolekti kantojn, nun publikiĝis Kreaktiva.
14 freŝnovaj kantoj, inter alie kunlaboroj kun La Perdita Generacio, Dolchamar kaj jOmO, dancigaj ritmoj kaj bone pripensitaj tekstoj atendas vin.
Aldonite estas kaptipovaj, kunkantindaj melodioj, kiuj sen via volo ekdancigas viajn piedojn.

La plej vigla kanto „Ni estas fortaj“ jam havis sukceson en indonezia kongreso. Pliaj verkoj estas ekzemple la kanto „Por mia patro“, kiun Jonny M verkis por sia mortinta patro, la socio-kritika „Ribeluloj“ kun Dolchamar, aŭ la kanto „Bam bam“, kiu temas pri la konservado de la medio kaj vegana manĝaĵo.

Jonny M jam faris koncertojn ĉie en la mondo, kaj kun tiu ĉi nova, mojosa verko li denove koncertos tra Esperantujo.
Se vi volas viglan dancadon kaj kunkantantajn homojn en via kongreso, ne hezitu inviti lin!

Jonny M en tiu albumo estas:
Jonas Marx: aŭtoro, ĉefvoĉoj

Fonvoĉoj:
- Tabea Thomaschke en 2, 3, 6, 8, 10, 12 kaj 14
- G-NA en 13

Gastaj kantistoj:
-La Perdita Generacio (Tomio Frejarö, Anna Burenius...) en "Alte kaj espere"
-Dolchamar (Patrik Austin) en "Ribeluloj"
-JoMo (voĉo kaj gitaro) en "Bonvenon"

Muzikoj kaj aranĝoj :
-Volfoniq en 1
-DTC Records en 2 kaj 14
-DM Kahn en 3, 4, 7 kaj 12
-Alann Ulises en 5, 6 kaj 9
-Stefan Schleickmann en 10 el muzikeldonejo: MKZWO- MUSIKVERLAG Ronny Heinze
-Medizinmann Riddims en 11 kaj 13
-Florian Richling kaj Luke Rich en 8
-Gunnar R Fischer de la Kuracistoj, Aŭtoro kaj melodio de la kanto "Liberec'"

Teksto reviziado : Andreas J. Penk , Bertilo Wennergren (ne de ĉiuj tekstoj)

Registrita en la Studio: Körner Studio , Kolonjo, Germanio
Soninĝeniero & mastrofaranto: Falko Schönian

Foto de la kovrilo: Felix Mayr
Grafika prilaboro de la kovrilo kaj libreto: Jonas Marx