Kio ĝi estas?
Vinilkosmo lanĉis novan koncepton en 2015: temas pri klubo por aboni esperanto-muzikon laŭ diversaj abonformuloj. La ABONKLUBO pluvivas, ĝi bezonas vian aliĝon aŭ reabonon por la nova jaro 2021 por la eblecon daŭrigi produkti kaj eldioni novajn muzikprojektojn.

Kial?
Lastajn kvin jarojn la diskeldonejo suferis pro la diskokrizo kaj de unu jaro la sankrizo kiu provikis drastegan disfalon de la vendoj. Vinilkosmo adaptiĝas al la evoluo proponante solvojn por daŭrigi produktadon de esperanto-muziko. Tial en junio 2009, la retejo vinilkosmo-mp3.com kreiĝis por vendi virtulajn bitajn albumojn. Sed la vendado de bita albumo tute ne estas komparebla kun la antaŭa vendado de KDoj. La nuntempa epoko lasas la paŝon al la elsendfluo (streaming) por aŭskulti muzikon. Helpe de partnero Music Divercities (eks-1D touch), ni havis eblecon eniri tiun mondon. Tiu nova maniero uzi muzikon ne solvos la problemon. Ni bezonas pli da homoj kiuj aktive subtenas esperanto-muzikon. Aboni estas aktive kontribui al esperanto-muziko tiel ke Vinilkosmo povos daŭrigi la produktadon kaj eldonadon.

  Kial Muzik-Diverseco ?  (ekde la 1a de junio 2018,  1D touch iĝis Music  Divercities / diMusic)

Muzik-Diverseco (diMusic) estas elsendflua platformo dediĉita al la sendependa kulturkreado. Tiu ĉi netipa kaj justa elsendfluejo strebas reinventi novajn kundividajn regulojn de la valoro en la bita erao por la subteno de la artistoj kaj sendependaj produktistoj. La kutima elsendfluo pagas la artistojn malmultege. Kompareble divMuzik pagas 40-oble pli la artistojn ol Spotify kaj Deezer.

Kiel funkcias?
Abono validas por 1 jaro (de la dato ekde kiam vi abonas ĝis la sama dato de la sekva jaro, kaj necesas renovigi la abonon akurate je sama dato de la sekva jaro por ne havi interrompon de la aliro al la justa elsendfluejo divMuzik. Kiam vi aliros dMusic vi havos la kompletan katalogon de Vinilkosmo (pli ol 100 albumoj en esperanto!) La abonantoj profitos ankaŭ pri la katologo de multegaj aliaj sendependaj eldonejoj kun la plej bunteca diverseco kiu famigis ilin (tio estas pli ol 400.000 artistoj, 7 milionoj da muzik-titoloj, el 75.000 sendependaj eldonejoj).

Kiujn servojn proponas Vinilkosmo Abonklubo ?
Aliron al la katalogo de Vinilkosmo ĉe sur https://www.vinilkosmo-mp3.com laŭ la elekto de la abonformulo kaj laŭ diversaj formatoj disponeblaj:
(KD, Vinilo, MP3, OGG aŭ FLAC)

- Aliron al justa elsendfluejo : https://music.divercities.eu/labels/183
  (paĝo de la muzikeldonejo Vinilkosmo ĉe Muzik-Diverseco)

– Surprizaj diversaĵoj kaj donacetoj

Kion celas ni?
Daŭrigi la produktadon kaj eldonadon de novaj album-projektoj

Bonvenon al la Vinilkosmo ABONKLUBO!
Dankegon pro via aktiva subteno al Esperanto-muzikproduktado kaj eldonado.

La Vinilkosmo-Teamo