Dum jaro kiam ne eblis koncertumi, i.d.c. uzis sian tempon en hejmsudio por finregistri novan albumon.
Surbaze de la jam konata stilo de popmuziko diversgrade saturita de melankolio, la kantisto senjuĝe kaj duonserioze kvazaŭ komentas nian modernan mondon per tekstoj subtilaj kiuj aludas pri nuntempaj gravaj kaj malpli gravaj temoj… sen forgesi la viruson!

La registrado kaj miksado de la albumo estis faritaj de la artisto mem en propra studio per sama altnivela profesieco kiel por la antaŭa albumo!

Notu ke la vinildisko inkluzivas kuponon por elŝuti bitan albumon.

i.d.c. en tiu albumo estas:
Éric Languillat: aŭtoro, komponisto, voĉo, gitaroj kaj sinteziloj*.
* krom “Urba naturo”, komponistoj: Éric Languillat/Simon Guilbaud, sinteziloj: Simon Guilbaud

Registrita* kaj miksita de Éric Languillat en Blanka Kastelo Studio (Offenbach ĉe Majno)
* krom “Urba naturo” registrita en Kottkott Studio (Berlino) kaj Blanka Kastelo Studio (Offenbach ĉe Majno)

Grafika prilaboro de la albumo: Éric Languillat.