KREI KONTON

*

*

*

*

*

*

ĈU PASVORTO FORGESITA ?

*

Legu la plej freŝajn novaĵojn

Esperanto

Esperanto-Kantoj kaj muziko - MUZIKA PLATFORMO de VINILKOSMO

Bonvenon en nia muzika platformo, kara vizitanto!

Vinilkosmo
estas sendependa eldonejo kiu produktas, eldonas, kaj distribuas ekskluzive esperanto-bandojn kaj artistojn en ĉiuj eblaj aktualaj muzikstiloj (roko, popo, folko, kanzono, tradicia, punko, hardkoro, mondmuziko, elektroniko, regeo, skao, hiphopo, ktp.). La artistoj venas el la tuta mondo.

Vi povas libere navigi en ĉi tiu retejo kaj konsulti la priskribon de la artistaj paĝoj kaj de la vendataj albumoj en plej diversaj formatoj (fizike: vinilaj diskoj kaj KDoj, kaj bite: por elŝutado de muziko en MP3, OGG, aŭ FLAC).

Por aĉeti:
- Aŭ vi aĉetas sen konto, kaj vi ricevos la elŝutligilon per via fakturo per retpoŝto. Ĉi tiun retpoŝtaĵon vi devos konservi por eblaj postaj elŝutoj (maksimumo 4 elŝutoj);
- aŭ vi ensalutu (se vi jam kreis konton dum antaŭa vizito),

- aŭ vi kreu konton (se vi ankoraŭ ne havas) por konservi viajn mend-informojn en nia retejo kaj aliri ilin post denova ensaluto.

Subtenu aktive la muzikeldonejon Vinilkosmo kaj ĝian muzikan produktadon en esperanto,
la aperon de novaj albumoj, aŭ la reeldonon de malnovaj albumoj.

La sola alternativo estas ke ĉiuj kiuj volas daŭre aŭskulti esperantan muzikon de la katalogo de Vinilkosmo tra la justa elsendfluejo Muzik-Diverseco kaj aliloke, aliĝu al la ABONKLUBO.

Eblas ankaŭ konsulti la muzikajn novaĵojn de la Blogo aŭ en la Informletero de Vinilkosmo.

Ni deziras al vi agrablan viziton de nia esperanto-muzika platformo!
Plej muzikajn salutojn

Floreal (Flo!)
Direktoro de Vinilkosmo

Kvalito :
La bitaj muzikdosieroj en nia retejo estas kongruaj kun ĉiuj tipoj de MP3-legiloj, Ipodoj, poŝtelefonoj, komputiloj PC, Mac, ktp. Enkodigoj laŭ formatoj MP3 (192 Kb/s, 256 Kb/s aŭ 320 kb/s ), OGG-VorbisFLAC por la albumoj ne eldonitaj sur KD (senperda formato, proksima de KD-kvalito kaj la plej adaptita por tiu tipo de uzado).

albumeto ref.: VKBA025-077
Bita albumeto 6 titoloj - 23:06 mn,
disponebla laŭ MP3 – 320 Kb/s - OGG - FLAC - elsendfluo formatoj

Vaganto - TIM – Cali / Berlin (Kolombio, Germanio)

Bita albumeto kunproduktita de TIM - Vinilkosmo © 2020

PLENA ALBUMO MP3 - 6 € bouton caddie rouge

 Atentigo : La plena albumo ankaŭ estas disponebla laŭ tiuj formatoj, alklakante sur la dezirata formato:
OGG, FLAC , aŭ  Justa Elsendfluo (ABONKLUBO)..
Iru al la malsupro de la paĝo por elŝuti unuopajn mp3 trakojn.


Apero de la  6-titola bita albumeto la 24an de aŭgusto 2020


 

Hej! La unua albumeto de TIM jam pretas!

Jen Vaganto, la unua albumeto de TIM; ĝi alvenas kiel rezulto de inspiro de vivo, de diversaj spertoj, amo, kaj libereco.
Ĉi tio estas ankaŭ la temoj pri kiuj TIM kantas en siaj kantoj, inter kiuj oni povas trovi kelkajn kiuj estis la unuaj verkitaj de li.

Alternativa roko / sendependa popo estas la ĝenroj kaj influoj sur kiuj TIM baziĝis por produkti albumeton kun belaj klavar-melodioj kaj gitar-aranĝoj, kiuj donas al la verko foje etan spacan kaj eĉ popan psikadelan sonon.

TIM komencis registri la unuan kanton dum decembro 2019, antaŭ sia koncerto dum JES en Pollando, kun la intenco montri ion al la publiko antaŭ la koncertado. Tial, la mondcivitana muzikisto kontaktiĝis kun Vinilkosmo por paroli pri eldono de unu titolo kaj muzikvideo - estis tiam kiam la demando aperis: kial ne registri 6-titolan albumeton kaj aperigi ĝin oficiale? Do, la decido ne estis malfacila; TIM enŝipiĝis en la registro-procezon per sia hejma studio, kiu en la unuaj tagoj estis nur komputilo, interfaco, kaj mikrofono. Post kelkaj semajnoj, TIM sendis la unuan demon al Vinilkosmo en Francio, de kie li ricevis pozitivajn rimarkojn por ke li daŭrigu la registradon por la bita albumeto (EP).

Jam naŭ monatoj pasis kaj hodiaŭ ni havas plezuron prezenti Vaganto kiel aludo al tiu kiu senvoje vojaĝas, libera en sia mondo.

TIM estas:
Timothy Gallego: aŭtoro kaj komponisto, voĉo, gitaroj , klavaro, drummaŝino, muzikaranĝoj.

Gastmuzikisto : Jesper Björkbom, basgitaro.

Registrita de Timothy Gallego en hejma studio TIM Studio en Berlino, Germanio.
Miksita kaj mastrigita de Triboulet en Studio de la Trappe ĉe Vinilkosmo, en Donneville, Okcitanio, Francio

Fotoj: Schedler Photography
Grafika prilaboro de la kovrilo: Michel Villa

1- Vaganto

6,00 €
1,00 €
1,00 €
1,00 €
1,00 €
1,00 €
1,00 €

Por aldoni en via retejo la varbrubandon ĉi apude celante ĉi tiun paĝon, kopiu la HTLM kodon ĉi sube kaj gluu ĝin en vian retejon aŭ blogon :

TOP