Kien vi iros? estas la nomo de la plej freŝa bita albumo de Rafael Milhomem! Ĝi estas malfacila albumo por difini. Se vi bezonas difinon, ĝi estus "Mondmuziko". Ĝi estas koncepta kaj instrumenta verko kiu donas la ideon ke oni povas vojaĝi tra la mondo sen moviĝi de via loko, per la potenco de la menso plibonigita per muziko kaj legado.

La albumo kunportas nin al diversaj lokoj de la mondo: ni vizitos la afrikan kontinenton per la titolo Al Afriko. Ni trapasos Azion per la titoloj Al Ĉinio; Al Barato kaj Al Persujo (nuna Irano). En Eŭropo, ni vizitos Portugalion per la titolo Al Portugalio.

En Sud-Ameriko, ni vojaĝos al Argentino kun la trako Al Argentino, kaj vizitos la landojn kiujn transiras la Andoj per la Al Andaj Landoj. Brazilo ricevas specialan atenton. Ni vizitos la nordorientan regionon kun la titoloj Al Nordorienta Brazilo I kaj Al Nordorienta Brazilo II. Ni vizitos la sudorientan regionon kun la titolo Al Sudorienta Brazilo. La Okcidenta centro de Brazilo, kie naskiĝis Milhomem, estas reprezentita per la titolo Al Okcidenta Centro de Brazilo.

Kien vi iros?, la trako kiu donas al la albumo sian nomon, estas sennacia, ĝi bone reprezentas la neŭtralecon de Esperanto. Ĝi resumas la tutan albumon, kaj temas pri la homa kapablo moviĝi aliloke per la muziko kaj legado.
La albumo enhavas ankaŭ la faman trakon Hejmo, kun teksto de la poeto Marjorie Boulton kaj muziko de Rafael Milhomem. Ĝi alvokas sufiĉe densan kaj katastrofan etoson, kaj kongruas perfekte kun la peza metala atmosfero.

Kiel ni rimarkis, multaj landoj restis ekstere ĉar la mondo estas tiel granda! Sed ne maltrankviliĝu, ĉar ni jam pensis pri la dua volumo!

Rafael Milhomem en ĉi tiu albumo estas:
– Rafael Milhomem: klasika akustika gitaro, elektra gitaro, basgitaro, 10-korda brazila gitaro, kavakinjo, sijotanka (amerikindiana fluto), sirinkso (pajno fluto), Kalimbo, berimbao, pandero, kaŝako (asalato), Rozini-a tanaĵuro (brazila perkutilo), atabako kaj ĉajĉoj (chajchas - braceleto el ungoj de lamao).

Ni kalkulis je ege valoraj kontribuoj de la specialaj muzik-gastoj:
- Lucas de Castro – tablao ĉe Al Barato
- Amir Hossein Afrooz – santuro, Tara Ghahremani – tombako, Pezhmanparnia – ritmaj instrukcioj ĉe Al Persujo - Ricardo Gordo – Portugala gitaro ĉe Al Portugalujo - Marcelo Marcos – akordiono ĉe Al Nordorienta Brazilo I - Washington Micena – drumo, Enilson Macedo – basgitaro ĉe Al Nordorienta Brazilo II - João Fernandes – 7-korda gitaro ĉe Al Sudorienta Brazilo - Fred Mika – drumo, Jane Nogueira – voĉo, Rogener Pavinski – basgitaro ĉe Kien vi iros? - Karliene Araújo – voĉo, Muniz – basgitaro ĉe Hejmo

Registrado, miksado kaj mastrigado:
– Geovani Maia ĉe Fantom Studio
– Francisco Arnozan kaj Alireza Mir Eissakhani ĉe Milhomusic Produções

Grafikaĵo de la kovrilo: ArtSide Artwork