Muzikpluvo, estas kompaktdisko origine aperinta en 1996 kun kantoj plenumitaj de la esperantista senakompana kantgrupo Akordo el Nederlando.

Por ĉi tiu disko Akordo elektis ĉefe la mezepokajn kaj la folklorajn kantojn el sia repertuaro. La disko enhavas pli ol 20 kantojn el diversaj landoj kaj periodoj, inkluzive de unu originale el Esperantujo. Ĉiuj kantoj sur la disko estas en esperanto, ofte kun traduko farita speciale por Akordo.

Post longedaŭra elĉerpiĝo, la KD estis reeldonita en 2005 fare de Roel Haveman. Kaj nun en aprilo 2018 Vinilkosmo lanĉas bitan reeldonon de la albumo kun aldono de du kromaj trakoj de kantoj kiuj aperis en aliaj diskoj (‘Venko venko’ aperinta en la KD Vinilkosmo-Kompil’ Vol.2 -1996), kaj ‘La espero’ en KD kun la libro Esperanto - grammatica met oefeningen (1999).

Tiu bita reeldono ebligos remalkovron al la publiko kaj al la korusŝatantoj de tiu malnova albumo, Sed kiel bona vino ĝi restas tre ĝuinda!

Akordo en ĉi tiu albumo estas:
- Rineke Hoens : soprano
- Saskia Idzerda : soprano/aldo
- Ineke Bourguignon-Slis : soprano
- Marwine van der Molen : aldo
- Sander van Huijzen: tenor
- Danny ten Haaf: baso
- Arjen-Sjoerd de Vries: baso.

Tradukistoj:
Roel Haveman, Saskia Idzerda, Arjen-Sjoerd de Vries, Dario Besseghini, William Harvey, Simo Milojević.

Grafikaĵoj kaj enpaĝigo de la kovrilo kaj libreto: Rolfo Ernst.
Fotoj: Akordo.