17 jarojn post la apero de la albumo In-spir', Morice Benin denove surprizas nin per esperanto.
Estas ĉi tie, kun la kunlaboro de SAT-Amikaro (kiu financis la registradon) kaj sendependaj eldonejoj Fanal kaj Vinilkosmo, ke ĉi tiu unukantaĵo en la franca pri esperanto, kaj ĝia instrumenta versio por karaokeo, estas naskita.

Sed la artisto prezentu sian propran verkon.

Esperanto? Ĉu ĝi ankoraŭ ekzistas?
Antaŭ pli ol jarcento, sonĝo naskiĝis: pontlingvo por multaj milionoj da malsamaj homoj kaj solidareco en la mondo: malplimultoj sed fierege fraternaj. Ĉi tiu lingvo utilus al neniu naciismo, neniu skismo, neniu komerco, neniu ideologia servuteco, en resumo, neniu politike ĝusta celo. Hodiaŭ, ĝi ankoraŭ fosas sian neprobablan sulkon en mondo fariĝinta malamika, konkurencema, kie la angla lingvo regas kiel absoluta mastro. Komence, kio altiris min al ĉi tiu utopio estas la komuna penado, kiu postulas ĝian lernadon: komenca demokrateco, kie neniu potenco estas en ludo. Estas nur afero aliĝi al certa planeda civitaneco transdonita en resono kun ĉi tiu fekunda frazo de André Gide: "La mondo estos savita nur de la ribelemaj homoj. Ĉi tiuj nesubmetitoj estas la salo de la tero".
Antaŭ dek kvin jaroj, mi komencis kanti en ĝi, kvankam mi ne vere praktikas ĝin, nur provante aldoni mian malgrandan ŝtonon al la konstruaĵo de ĉi tiu obstina kaj fondanta sonĝo.

Morice Benin
***
En tiu ĉi unuopaĵo Morice Benin estas:
Morice Benin: voĉo kaj gitaro
Muzikisto, aranĝoj kaj orkestrado: Eric Miller

Registrado, miksaĵo kaj masterado: Pascal Jacquemin ĉe Potard Studio (Cher, Francio)

Teksto: Morice Benin (kunlabore kun Gilbert Stammbach)
Muziko: Morice Benin (aprilo 2018)

Desegno de kovrilo: Claude Larosa
Direktita de: Claude Guillon

Por tiuj kiuj ne volas la unukantaĵon ofertitan de Vinilkosmo, SAT-Amikaro provizas la kanton sole en MP3 (sen la kovrilo aŭ la instrumentumo) senpage elŝutebla en sia retejo: http://www.sat-amikaro.org/spip.php?article2213