Komence konceptita en 2020 dum la unua trudizoliĝo, ĉi tiu unua projekto en esperanto estis por Armel la ŝanco por verka defio: temis pri verkado de kantoj dum lia lingvolernado progresis, do kun tre simpla lingvaĵo, iom simila al tiu de infano lernanta paroli!

Ekde la unuaj provoj, la muzika vejno de la jaroj kun La Planche à Laver kaj la banĝo trudis sin tute nature, kvazaŭ esperanto estus preninta la molan kaj komfortan lokon lasitan de la antilia kreolo! Se ni serĉas eĉ pli da kohereco, same kiel esperanto ankaŭ la banĝo devenas de la fino de la 19a jarcento kaj radikas en plej diversaj kulturoj. Ĝi estas ankaŭ ŝajne tre simpla instrumento, kvar kordoj en tre regula agordado (kvinonoj) kaj kiun oni povus pensi – grava eraro – ke ĝia gamo estas limigita!

La asocio de banĝo kaj esperanto estis do tute natura.

Unue, estis du delongaj komplicoj por aliĝi al la ŝipo, Damien Bravo sur kontrabaso kaj poste Denis Lainé. Ĉi-lasta unue respondecis pri perkutado, sed tre rapide prenis tre gravan rolon en la projekto per arta direktado de la registradoj kaj poste en la miksado de la rezultoj. Li estis ankaŭ tiu kiu faris la unuan (superban) filmeton pri la demo-versio de “Ĉio estas amo”, kiu estis la komenco de nova kunlaboro.

Miguel Gutiérrez (Liven Dek) tre rapide reagis al la jutuba publikigo, kaj ĉi tiu kontakto estis decida, ĉar Liven Dek konsentis provlegi kaj korekti ĉiujn tekstojn de la kantoj verkitaj de Armel Amiot. Estis ankaŭ li kiu metis Armel en kontakton kun Floréal Martorell de Vinilkosmo. Ĉi-lasta siavice ludis esencan rolon en la projekto, konsilante Armel pri voĉregistrado, por la ĝusta uzo kaj artikulacio de esperanto.

Jen unua laboraĵo de Armel Amiot en la lingvo esperanto, kun la plezuro aliĝi al la komunumo de esperanto-muziko kaj kantado!

Por ĉi tiu albumeto Banĝo Esperanto:
Aŭtoro kaj komponisto: Armel Amiot

Kun:
- Armel Amiot: ĉefkantoj, banĝo, Hammond-orgeno, elektra baso (sur 1)
- Denis Lainé: drumo kaj perkutado
- Damien Bravo: kontrabaso (sur 2, 3, 4, 5, 6)

Kun la helpo de Liven Dek por la provlegado kaj korektado de la tekstoj en esperanto.

Registrite ĉe la Siva Studio de Armel Amiot fine de 2021-komence de 2022, kun la helpo de Floréal Martorell por la voĉregistraĵoj en esperanto.
Perkutado-registrado, miksado kaj artista kundirektado de Denis Lainé.
Majstrado farita la 7an de aprilo 2022 fare de Alexis Bardinet (Globe Audio Mastering, Bordeaux).

Albumeta kovrildezajno: Reno L.

Retejo de Armel Amiot: www.armelamiot.com