Tiu 5a albumo Valso por amikoj estas la unua KD de ĴomArt & Nataŝa, la kazaĥa duopo. La kantoj estas mirige interpretitaj. Veraj esperanto-kantoj, emociegaj kaj bone aranĝitaj.
Tiu albumo kaptos vin samkiel la publikon okaze de iliaj diversaj spektakloj (UK, KAFE, KEF…).
Valso por amikoj estis dediĉita al ĉiuj svedaj e-amikoj de la duopo, kiuj multe helpis ilin dum malfacila periodo en ilia vivo kiel enmigrintoj.

Ĉi tiu kodisko iĝis tre populara kaj estas entute elĉerpita.

ĴomArt kaj Nataŝa estas :
ĴomArt Amzeyev: kantado, akustika kaj elektra gitaroj, aliaj instrumentoj kaj muzikaranĝoj
Nataŝa Gerlach: kantado, fluto

Registrita kaj miksita en la ege juna studio, la pra-ĴomArt’s Studio (Stokholmo)
Soninĝeniero : ĴomArt Amzeyev (unua propra registrado kun helpo de Nataŝa)
Grafika prilaboro kaj KD-kovrilo: Franko Luin.