La 4a albumo Kukoj kun fromaĝ' de ĴeLe enhavas lirikajn kaj belajn ukrainajn popolkantojn en Esperanto (Nokto stelplena, Flugis la kukolo, Vekis min jam la koko), dancigajn kantojn (Verda folieto, Oj, nigrohara, nigra), ŝercajn kantojn (La puto profunda, Kukoj kun fromaĝ’, Vi trompis min, Grizaj kolombetoj), ukrainan jul-kanton (Bonvesperon al vi), kvodlibeton el 13 instrumentaj kantoj Ho, Ukrainio, kun kanta enkonduko pri malfacila sorto de la devenlando de Lena, Ukrainio.

Ho,Ukrainio,lando fiera.
Ho,Ukrainio,ne perdu esperon.
Por la libereco luktas vi sange.
Por la nova vojo benu ni la landon.
Voku ni la homojn de la tutmondo.
Voku ni la homojn al la granda rondo.
Sonu la tamburoj,dancu ni pasie!
Sonu melodioj el Ukrainio!

En tiu ĉi albumo ĴeLe estas:
Tekstoj kaj muziko: tradiciaj ukrainaj 
Traduko-adaptoj: Lena Wilke Krom: "Verda folieto": Petro Ŝtabaljuk,  "Kukoj kun fromaĝ'": Andreo Rogov kaj lasta strofo Elena Wilke,  Bonvesperon al vi": ne konata adaptisto Ho, Ukrainio", teksto: Elena Wilke

Ĵenja : kantado, violono, akustika gitaro, ukulelo
Lena : kantado, piano, akustika gitaro, basdrumo, blovharmoniko

Tom Schmeichel: trumpeto, kantado
Mike Hesche: basgitaro

Registrado kaj miksado en studio de la Muzika Arto-Lernejo de Schwedt (Germanio)
Soninĝeniero : Mike Hesche

Muzikproduktisto : Dieter Wilke

Foto por la kovrilo : ĵeLe
Kovril grafikaĵo : Dieter Wilke