KREI KONTON

*

*

*

*

*

*

ĈU PASVORTO FORGESITA ?

*

Legu la plej freŝajn novaĵojn

IXNA – Mi ne parolas

IXNA – Mi ne parolas

ixna cover300     
128501206 o1


Ŝajne Vladimir Koŝ esplorante,  malkovris la plej unuan rok-bandon kun kanto en esperanto.
Temas pri Ixna el Usono, ili registris 7 colan, 45 rivoluan vinildisketon kun unu kanto en Esperanto kaj unu kanto en ilia propra kreita lingvo.
 La disko enhavas du kantojn : Mi ne parolas  kaj  Ixna Portal Exo.

  231150967528

Ĝi estis eldonita  ĉe la usona diskeldonejo Dumb Records en la jaro 1981 laŭ stilo elektronika roko/ nova ondo eksperimenta popo.
 La bando estas mastrumita de :
Jay Cloidt : baso, Piano
Jay Cloidt, Marina LaPalma : Sonoj (Elektronika studio kaj Samplitaj sonoj)
Marina LaPalma : Voĉoj
Jay Cloidt : komponistoj
Marina LaPalma : Aŭtoro
unnamed

Enhavo :
Flanko A: Mi ne parolas - Esperanta voĉo kun baso, drummaŝino, gitaroj, bendobukloj, klavaroj kaj tondilo.
Flanko B: Ixna Portal Exo - Elektronika bendo-manipulado kaj spiro akompanas kanton en memkreita lingvo.
Estis presitaj 500 ekzempleroj kun inklude folio kun la tekstoj kaj glumarko. ixna mi ne parolas 1981 3

Estis minimuma ondo-sukceso kantita en esperanto.

En 2019 estis eldonita nova vinila albumo de Ixna titolita Knotpop kun nova reeldono de la kantoj  Mi ne parolas  kaj  Ixna Portal Exo

La albumo Knotpop aŭskulteblas kaj mendeblas ĉe https://ixna.bandcamp.com/album/knotpop

Album knotpop Ixna300

Spekteblas ĉi sube la muzikvideo : Mi ne Parolas  - Ixna

Morice Benin forlasis nin subite

morice benin Nb400pix
Morice Benin

Karaj geamikoj,
jen ege trista novaĵo sendita hodiaŭ de Gilbert Stammbach...

Hieraŭ la 19an de januaro 2021, Morice Benin forlasis nin subite.

Estas granda doloro por ni. Li estis amiko kaj viziulo. Granda sinjoro, referenco, kiu gvidis nin de pli ol 40 jaroj.
Lia furiozo kontraŭ la drivo kaj ekscesoj de la mondo de la mono, kontraŭ la difektado de nia natura medio hipotekante nian estontecon, sed ankaŭ la profundon de lia poezio, lian fidon al amo, en la homoj, la simplecon kaj la varmecon de lia amikeco ...: ĉio ĉi mankos al ni. Estis granda franca kantverkisto, ne sufiĉe multe konata.

Gilbert ankoraŭ havis la ŝancon paroli kun li la tagon antaŭ ol Morice forpasis. Ĉio estis en ordo, li estis egala al si mem.

Li konservis esperon por nia estonteco malgraŭ la nuna mallumo.

Nun li aliris al la steloj.
Plej Amike Gilbert Stammbach kaj Floréal Martorell

"Ĝi certe mortigos vin
La Morto, la morto ...
Sed kion ĝi ne povos mortigi
estas la spuro, kiun vi estos postlasinta. "
(Morice Benin « Infiniment » / "Senfine")

Ne, la landoj ekzistas ne - Morice Benin

Unu el la solaj muzikvideoj en kiu li kantas parte en esperanto kaj franca al la publiko.

Estis planite ke Morice venu al Tuluzo por registri la voĉojn kun sia filo por la esperanta versio de la kanto "Esperanto ou tard" ....
Ni tre bedaŭras...

La kongresistoj de UK en Lille en 2015 povis ĝui unu el liaj tro maloftaj esperanto-koncertoj...

Morice  restos  por ĉiam en niaj koroj kaj en nia  esperanto-kulturo tra la kantoj  kiuj li interpretis kun la helpo kaj impulso de Gilbert Stammbach (Albumo "In-spir'")

Elkoran kaj senfinan dankon Morice !

 

Omaĝe al Morice Benin, ni invitas vin retrovi lian biografion ĉi tie :
https://www.vinilkosmo-mp3.com/eo/kanzono-tradicia-progresiva/morice-benin-113.html

jen liaj esperanto-verkoj :

vkkd045 InSpir MBenin 250pxiSingle Esperanto ou tard Morice Benin250px

KONKURSO ĜANFRANKO

Konkurso Ĝanfranko

 

 

gianfranco1

 

Itala Esperanto-Federacio, por omaĝi Gianfranco Molle, la plej faman italan kantiston, tutmonde konatan, animon de “Muzika Kulturo”, decidis organizi konkurson pri kanzonoj originale verkitaj en Esperanto.

Regularo:

La komisiono povos asigni ĝis tri premiojn.

La rezultoj estos anoncitaj enkadre de la itala kongreso de Esperanto, dum specifa programero.

Ĉiu persono rajtas konkursi per maksimume tri verkoj, kiuj devas esti neniam antaŭe eldonitaj per ajna komunikilo (prese, rete, lege, bloge, ktp).

Maksimuma daŭro de kanzono estas 5 minutoj.

La gajnintoj de la unua premio ne rajtas partopreni en la konkurso dum la sekvaj tri jaroj.

La konkursaĵojn oni sendu al la sekretario, Ivan Orsini, per retmesaĝo, al la adreso Tiu ĉi retpoŝtadreso estas protektata kontraŭ spamrobotoj. Vi devas ebligi Ĝavaskripton por vidi ĝin. indikante la elektitan pseŭdonimon kaj la efektivan nomon kaj adreson; ili estu kantitaj kaj luditaj en aŭda formato mp3 aŭ ogg, kaj skribitaj (nur vortoj, eventuale kun akordoj) en teksta formato doc aŭ odt.

Premioj: la gajninto de la unua premio, premio Ĝanfranko, ricevos monpremion de 250,00 eŭroj, por la aliaj la premio konsistos el esperantlingvaj KD-oj kaj abonoj al ABONKLUBO de Vinilkosmo.

Limdato por la sendado estas la 30-a de majo de la koncerna jaro.

Juĝkomisiono: prezidanto: Michela Lipari, sekretario Ivan Orsini, juĝantoj: Giulio Cappa, Marcella Fasani, Bertilo Wennergreen

La sekretario informos ĝis la 1-a de aŭgusto la gajnintojn pri la premio.

La partoprenantoj cedas senpage al IEF por la unua jaro la rajton je unua publikigo.

Por pliaj informoj : Tiu ĉi retpoŝtadreso estas protektata kontraŭ spamrobotoj. Vi devas ebligi Ĝavaskripton por vidi ĝin.

FEI
"Concorso"
via Villoresi 38,
IT-20143 Milano,

Italia / Italio

 

Gianfranco Molle

 

AEA
Morgaǔ, sabate 9an/01/2021, komenciĝos la komuna virtuala somerkursaro/kongreso de la Aǔstralia kaj Nov-Zelanda Esperanto-Asocioj (9 - 13 januaro 2021). Flo (Floréal Martorell) faros prezenton pri EUROKKA, Vinilkosmo kaj Esperanto-Muziko je la 20a h (tempo de Sidneo) / 10a h (tempo de Parizo)
Vi trovos la ligilojn sur la programo, apud ĉiu sesio.
Simple alklaku la butonon “Partopreni” por eniri la virtualan “ĉambron”. Vi povas konsulti la kompletan programon   ĉe tiu ĉi suba ligilo
Bonvenon !
Heather, Indrani, Jonathan, Sandor, Terry (AEA-estraro)
Bradley, Ivan (NZEA-estraro)

http://aea.esperanto.org.au/ftp-uploads/ANZEK-2021-08-reg.html#sab

Informletero de Vinilkosmo n-ro 48 - Decembro 2020 ĵus aperis

vklogo blanka fd1 V2

Legu la Informleteron de VINILKOSMO N-ro 48  ĵus aperinta ĉi tie

https://www.vinilkosmo-mp3.com/eo/newsletter-eo/listid-6-newsletter-eo.html

Por aldoni en via retejo la varbrubandon ĉi apude celante ĉi tiun paĝon, kopiu la HTLM kodon ĉi sube kaj gluu ĝin en vian retejon aŭ blogon :

TOP