KREI KONTON

*

*

*

*

*

*

ĈU PASVORTO FORGESITA ?

*

Legu la plej freŝajn novaĵojn

Apero de la bita albumo "La Universala Arbo" de KAJTO

Universala Arbo Kajto 500


Oficiala apero la 15an de Julio
ĉe Vinilkosmo de la nova bita albumo de KAJTO "La Universala Arbo".

Kajto prezentos la novan albumon dum koncerto kaj dum la kant-ateliero de la Kleriga Lundo en UK en Lahti, Finnlando.
Jen bela okazo por kunkanti kun Kajto la novajn kantojn de tiu belega albumo.

La bita albumo disponeblas elŝute ekde nun, la 15a/07/2019 ĉe:

 

Kaj elsendflue ĉe la justa elsenfluejo Muzik-Diverseco (Music Divercities) por la aliĝantoj de la ABONKLUBO:
https://music.divercities.eu/albums/439225

 

Por aliĝi al la ABONKLUBO iru ĉe:
https://www.vinilkosmo-mp3.com/eo/vinilkosmo-abonklubo/abonoj-abonklubo.html

divercities logo 1c967d6e8a44d7cd39766634f573cb5f56a3c2f599ab22b4dd5af343f1e72b92

Plurfoje uzantoj de esperanto-muziko plendis ke la interfaco de la
justa elsendfluejo Muzik-Diverseco (Music Divercities)
https://music.divercities.eu/ ne estas en esperanto.

Ili pravas sed por esperantigi la interfacon, esperantistoj devas
aboni amase ĉiujare al la ABONKLUBO!

Post pridiskutado de la temo kun estraranoj de la justa elsendfluejo,
necesus ke la ABONKLUBO atingu ĉiujare plurmilojn da abonantoj.

5000 abonantoj estus ja bona bazo por negocadi esperantigon de la interfaco.

Ĉu esperantio kapablus ĉiujare provizi minimumon de 5000 abonantoj?

Ni ne senesperiĝu. Jam abonu ankaŭ vi!
 ABONKLUBO 

Vortoj de KJARA pri sia unua esperanta albumo

K J A R A - B L UA    H O R I Z O N T O


Video realigita de Luca Cappellini kiun mi dankegas!

Finfine mi povas kundividi kun vi ĉiujn la bonan novaĵon pri mia nova albumo, la unua en Esperanto kiu estos publikigita la 19an de aprilo!

Mi senpaciencas aŭskultigi ĝin al vi ... En la venontajn tagojn mi rakontos al vi la detalojn kaj la vojon por atingi ĉi tiun novan muzikan projekton!

Kiel antaŭ la grandaj vojaĝoj, la koro batas kaj la kruroj tremas, sed mi havas grandajn kompanojn de aventuro por subteni kaj akompani min; la "Itala Esperantista Federacio" kaj VINILKOSMO.

La albumo disponeblos ekde la 19a de aprilo ĉi tie:

Mi brakumas vin!!!
KJARA

Ĵus aperis oficiale hodiaŭ (19a/04/2019) la unua esperanta
albumo de
KJARA, itala kantaŭtorino el Rimini.

kjara400X600

 

 10 titola albumo "Blua horizonto"

Kovrilo Blua horizonto Kjara 500

 

Malkovru la albumon diversformate (KD, MP3, OGG, FLAC, Elsenflue)
ĉe VINILKOSMO alklakante la ĉi suban butonon:

 

Speciale por la abonantoj

Karaj abonantoj de la ABONKLUBO de Vinilkosmo, la nova albumo de Kjara tuj aŭskulteblas ĉe :
https://music.divercities.eu/albums/402807

 
Por viaj okuloj kaj oreloj

Jen ĉi tie video de la kanto "Surprizo jen" por via malkovro kaj plezuro.

Du gravaj novaj album-projektoj en preparo ĉe VINILKOSMO

1a projekto:
Blua horizonto

kjara guitaro500 Foto: Ivan Tiraferri

La itala kantaŭtorino  Kjara ( Chiara Raggi) enstudiiĝis por registri kaj jam  ekmiksas sian unuan esperanto-albumon Blua horizonto

Kunlaboris por helpi en la projekto interalie Gianflanco Molle,  Renato Corsetti kaj Michela Lipari.
Albumo produktita de Musica di Seta kaj Fei - Itala Esperantista Federacio.  

La albumo aperos surdiske (KD) kaj bitforme ĉe Vinilkosmo, plej malfrue por la paska semajfino en aprilo 2019.

Nova voĉo kaj nova stilo venos pliriĉigi esperanto-muzikkulturon !
ĉu vi pretas ?

*********************

2a projekto:
Novaĵoj de la albumprojekto ESPERO


Visuel CD HD 400pxi
Foto : François Mouren-Provensal

La album-projekto kiun ni anoncis en la Informletero de Vinilkosmo en decembro 2017 kun speciala muzika aranĝo de "La Espero", reaperis kun nova muzika teamo, kaj ni tre feliĉas pri tio.

Riĉigita per la aranĝoj de Jean-Claude ROGER, aŭtoro kaj komponisto, la esperanto-himno estos prezentita de filharmonia orkestro (15 muzikistoj) direktita de Philippe ALLEGRINI. Ĝi estos kantita de Vanessa PONT, profesia kantisto de la Konservatorio de Nico. Rekonita en la mondo de opero, ŝi ankaŭ estas distingita en la mondo de kanto, kiun ŝi aparte ŝatas.

Aldone al la reorkestrita versio de "La Espero", la albumo inkluzivos dekon da kantoj tradukitaj kaj adaptitaj en esperanto, inkluzive originalan esperantan kanton de la aŭtoro Miguel Gutiérrez.

Por realigi ĉi tiun projekton, kiu estos kunproduktita kaj realigita kunlabore kun la Federacio Esperanto-Provenco, kun la subteno de Espéranto-France, kaj Vinilkosmo, kiu publikigos kaj distribuos la albumon, abono per amasfinancado ĵus estis lanĉita en KissKissBankBank.

Vi povas legi pli amplekse prie kaj registriĝi ĉe la projektretejo por subteni ĝin:
https://www.kanto-espero.org/

Aŭ iru rekte al la amasfinanca retejo:
https://www.kisskissbankbank.com/fr/projects/esperanto-kaj-la-franca-frate-en-komuna-muzika-projekto

Logo la espero

 

Por aldoni en via retejo la varbrubandon ĉi apude celante ĉi tiun paĝon, kopiu la HTLM kodon ĉi sube kaj gluu ĝin en vian retejon aŭ blogon :

TOP