Oficiala eldono de la tria bitalbumo de Martin & la talpoj, Vestiĝoj hodiaŭ la 10-an de majo 2023.

Post longa paŭzo, interalie pro sanproblemoj kaj la kovim-pandemio, Martin & la talpoj revenas en 2023 kun la elektra albumeto Vestiĝoj, konsistanta el ses pecoj en bone rekonebla stilo de sendependa/alternativa pop-roko.
Kiel ĉiam temas pri nur originalaj verkoj kun teksto kaj muziko verkitaj kaj komponitaj de Martin.

Ekde Hodiaŭ Vestiĝoj aperas laŭ la kutimaj bit-formatoj disponeblaj ĉe Vinilkosmo.
https://www.vinilkosmo-mp3.com/eo/popo-roko-hiphopo-elektronik/martin-la-talpoj-105/3-vestiĝoj.html

Se vi ankoraŭ ne konas la bandon Martin & la talpoj iru al la artista paĝo ĉi tie :
https://www.vinilkosmo-mp3.com/eo/popo-roko-hiphopo-elektronik/martin-la-talpoj-105.html

Oficiala muzikvideo " Vestiĝoj ":

La nova albumo Fulmerford de i.d.c (inicialoj dc) kiel planite  eldoniĝis sur LD Vinilo (Long-Daŭra vinilo), KD kaj  bitaj formatoj.
Surbaze de la jam konata stilo de popmuziko diversgrade saturita de melankolio, la kantisto senjuĝe kaj duonserioze kvazaŭ komentas nian modernan mondon per tekstoj subtilaj kiuj aludas pri nuntempaj gravaj kaj malpli gravaj temoj… sen forgesi la viruson!

Produktita de i.d.c kaj distribuita ĉi tie de Vinilkosmo.

Ekde la 1a de junio 2021 vi povas malkovri kaj akiri  la deziratan formaton de  Fulmerford ĉi tie :
https://www.vinilkosmo-mp3.com/eo/popo-roko-hiphopo-elektronik/inicialoj-dc-161/4-fulmerford.html

Pli da informoj pri la artisto  kaj  lia diskografio disponeblaj ĉi tie:
https://www.vinilkosmo-mp3.com/eo/popo-roko-hiphopo-elektronik/inicialoj-dc-161.html

Muzikvideo de la kantoUrba naturo

Oficiala eldono de la dua bit-albumeto de TIM, Bela vivo hodiaŭ la 8-an de marto 2024.

Post preskaŭ 4 jara paŭzo, interalie pro diversaj vojaĝoj en Meksikio, Kolombio kaj Guatemalo, TIM revenas en 2024 kun la albumeto Bela vivo.

Uzante elementojn de psikedelio, indie-elektronikaj kaj rok-elementoj, TIM komencas formi novan sonon, tre influitan de lia berlina vivo kaj de lia gusto por eksperimentado, laŭ persona signifo. La albumeto konsistas el ses titoloj.

Temas pri nur originalaj verkoj kun teksto kaj muziko verkitaj kaj komponitaj de TIM krom unu verkita de Liven Dek.

Ekde Hodiaŭ "Bela vivo" aperas laŭ la kutimaj bit-formatoj disponeblaj ĉe Vinilkosmo ĉi tie !
kaj elsendflue en la kutimaj muzikplatformoj liveritaj de Vinilkosmo tra Believe.

Se vi ankoraŭ ne konas la artiston TIM iru al la artista paĝo ĉi tie !

Oficiala muzikvideo de la titolo" Pluvo kaj vivo " disponebla ekde la unua printempa tago la 20an de marto 2024: