Atentigo : La plena albumo ankaŭ estas disponebla laŭ formato ogg Vorbis elŝutante en la komenco de la suba titollisto la OGG ZIP-dosieron.
Kiel tion sugestas la titolo de la albumo, kiu estas ankaŭ la nomo de la bando, estas la tuta varmo kaj radiado de la suno kiu koncentriĝas en ĉi tiu superba albumo aŭd-vida por oferti rimarkindan novaĵon!
Kvankam Brazilo estas la lulilo de tiu fenomeno, jen sono kaj lumo kiuj ja direktiĝas al la tuta planedo, rezolute orientita al propra indentiga kvesto.
DĴ Roĝer, jam kontribuanta en la "Elektronika kompilo" (VKKD53), estis je origino de tiu ĉi projekto en 2004. Kiam li ankoraŭ prilaboris sonojn malpli pure elektronikajn, li decidis kunlabori kun muzikistoj realaj kaj ne virtualaj.
Jen do, kunlabore kun Rogener Pavinski (voĉo kaj baso) el Ribeirão Preto, Alexandre Mancini (gitaro) el Campinas, Rogerio Borges (DĴ Roĝer' ĉe drumo kaj sintezilo) ankaŭ brazilano sed nun loĝanta en Madrido, sen forgesi la partoprenon en la tekstoverkado de Jimes Milanez el Campinas, la albumo iom post iom ekellaboriĝis pere de interretaj virtualaj interŝanĝoj kaj registradoj en diversaj studioj en Eŭropo kaj Ameriko dum ne malpli ol 3 jaroj!
Vinilkosmo por fini fermas la projekton eldonante ĝin kaj nun havas la plezuron prezenti al vi ĉi tiun unuan KDon kiu enhavas ankaŭ profesian videon realigitan de la brazila produktejo Kosmuzik' kaj jam spektebla en 'Videoj'.
Notindas ke tiu estas la unua muzikvideo realigita profesie en esperanto prezentata sur tiu ĉi albumo. Tio estas historia evento en la evoluo de nia muziko kaj movado !
SUPERNOVA estas :
Ale Mancini : Elektra gitaro
Roĝer Borĝes : Drumo kaj sinteziloj
Rogener Pavinski : Voĉo kaj basgitaro
Sonstudio : Under studio (Rômulo) - Brazilo
Eblas elŝuti altkvalitan version de la tuta video TIE ĈI !
