KREI KONTON

*

*

*

*

*

*

ĈU PASVORTO FORGESITA ?

*

 

 

 

 

 

 

 

 

 

 

 

 

 

 

Kanzono – Tradicia - Pop-Folko

 

KAJTO  Burgum  - Frislando (Nederlando)

En la jaro 1988 la grupo Kajto komencis kanti kantojn kun esperanto-tekstoj.
Dum la somero de 1989 dum la UK en Brajtono en Britio, la KD Kajto estis prezentita.

Tiu KD montriĝis ankaŭ esti la unua eldonita esperanto-KD iam en la mondo.

Dum la jaroj kiuj sekvis, la grupo (tiam konsistanta el kvar muzikistoj: Nanne Kalma, Ankie van der Meer, Marita Kruijswijk, et Marian Nesse) vojaĝis al multaj landoj por koncerti, kaj eldonis entute kvin KDojn.

En la jaro 2004 en la urbo Aalen en Germanio, la FAME-Kulturpremio estis aljuĝita al Kajto kiel rekono de la graveco de ĝia kontribuo al la esperanta muzikkulturo.

Nuntempe Kajto konsistas el Nanne Kalma kaj Ankie van der Meer, kiuj uzas ĉi tiun nomon por sia esperantorepertuaro.

Jam de 1980 Ankie kaj Nanne kune muzikas. Komence en la frisa grupo Irolt, poste en Kat yn ’t Seil, Kajto, kaj Liereliet. Kun tiuj grupoj aŭ duope, kantante en esperanto, en la frisa, kaj nederlanda lingvoj, ili registris pli ol trideko da vinildiskoj kaj kompaktdiskoj, kaj regule koncertturneis tra multaj landoj, ne nur en Eŭropo, sed ankaŭ en Nordameriko kaj Aŭstralio. Ekzemple, dum la somero 2014 Nanne kaj Ankie turneis en Usono dum ok semajnoj.

Koncerne la kantotekstojn, Kajto ne konas limojn. Nanne kaj Ankie kantas pri diversaj temoj. En ilia repertuaro maraj kaj historiaj temoj ludas gravan rolon, sed ili prikantas ankaŭ komikajn okazaĵojn el la ĉiutaga vivo. Same ili ŝatas enmuzikigi esperantajn kaj frisajn poemojn.

Dum festivaloj, kafejkoncertoj, kulturaj vesperoj, aŭ kantlaborgrupoj, la programo de Ankie kaj Nanne estas ĉiam humurplena kaj taŭge adaptita al la situacio kie ajn ili troviĝas.

Dum koncertoj, la du kajtanoj povas anonci kaj enkonduki siajn kantojn en diversaj lingvoj kiel esperanto, la nederlanda, la frisa, la franca, la angla, kaj la germana.
Ili akompanas sin per diversaj instrumentoj kiel gitaro, mandolino, koncertino (sesflanka akordioneto), ŝalmo kaj cistro.

Dum la unua jardeko de la nova jarcento ili eldonis dek-ok novajn KDojn en diversaj lingvoj kiel esperanto, la frisa, la nederlanda, kaj ankaŭ en la angla.

En Julio 2015, dum la 100a UK en Lillo, Nanne & Ankie prezentis la 7-an KD-on en esperanto de Kajto: Kajto flugas.


Por pli da informoj pri Kajto, Nanne kaj Ankie, kaj iliaj KDoj, vizitu:
www.nanne-ankie.nl


Klaku sur la albumojn por ilin aŭskulti aŭ elŝuti.

Por aldoni en via retejo la varbrubandon ĉi apude celante ĉi tiun paĝon, kopiu la HTLM kodon ĉi sube kaj gluu ĝin en vian retejon aŭ blogon :

TOP